地方方便，距離地鐵站只有數分鐘。當天去到是晚上，並不需排隊，但是慢慢坐了之後也有八成入座率。
菜單很簡單只有兩頁，但是也很足夠，主要有意粉，鐵板燒，以及少量小食，和本土香港冰室一樣。也有餐前的餐湯
當天湯類只有一款就是紅湯，紅湯很好飲，很有蕃茄的香味。
值得推薦是他的鐵板燒及燒雞，份量超大份，兩個人食唔晒。依家錢$100多來講，簡直物超所值。重點係仲要係好食，呢一間餐廳簡直性價比高。
鐵板燒今次選咗雜扒，豬扒又有汁，唔會太乾身，十分之好食，不過真係份量太大，其實食完個豬扒已經唔係好食得落個雞扒。至於燒雞方面，佢係燒全雞，成隻雞根本係唔止一個人食嘅份量大到爆，但係又真係好好食，去落咗一啲香味粉料，令到成個雞嘅鮮味更加提升。
最後食飽嘅時候真係捧住個肚走，兩個人今日次埋單連埋飲品人均$120。
仲要講多一樣先，就係服務態度一般嚟講其實喺茶餐廳香港嘅侍應服務態度唔好就真係好出名嘅，唔係特別服務好好，鬧你已經算係咁，或者你諗嘢諗得慢都會話你，呢間餐廳侍應好Nice，我真係今次諗嘢諗到好慢，因為真係好似好多嘢好好食咁，仲要食到人哋臨尾閂門，冇諗過佢嘅態度侍應都好好好Nice，問佢攞多少少汁佢都非常之好加俾我哋 。
如果嚟到堅尼地城，呢一個一定會係選擇的其中一間餐廳。
環境：4/5
食物：5/5（呢個價錢嘅食物質素冇得輸）
服務：4/5
值得：5/5